தொடர்புகளுக்கு :- paduvaanwinnews@gmail.com
Hot News »
Bagikan kepada teman!

உன்னிச்சை குளத்தின் வான் கதவுகள் திறக்கப்பட்டதன் காரணமாக வயல் நிலங்கள் நீரில் மூழ்கியுள்ளது!

Penulis : sankar on Saturday, May 26, 2018 | May 26, 2018

Saturday, May 26, 2018

மட்டக்களப்பு மாவட்டத்தில் பெய்துவரும் மழை காரணமாக மாவட்டத்தின் பிரதான நீர்ப்பாய்ச்சல் குளமான உன்னிச்சை குளத்தின் வான் கதவுகள் திறக்கப்பட்டதன் காரணமாக வயல் நிலங்கள் நீரில் மூழ்கியுள்ளதுடன் வீதிகளும் வீடுகளும் நீரில் மூழ்கியுள்ளன.

மட்டக்களப்பு மாவட்டத்தில் பெய்துவரும் மழை மற்றும் காடுகளில் பெய்துவரும் மழை நீரினால் உன்னிச்சை குளத்தின் மூன்று வான் கதவுகளும் நான்கு அடிகள் திறக்கப்பட்டுள்ளன.

இதன்காரணமாக உன்னிச்சை நீர்பாசனக்குளத்தின் ஊடாக விவசாய நடவடிக்கைகள் மேற்கொள்ளப்பட்ட சுமார் 600 ஏக்கருக்கும் அதிகமான காணிகள் நீரில் மூழ்கியுள்ளன. அத்துடன் வவுணதீவு-உன்னிச்சை பிரதான வீதியினை ஊடறுத்தும் நீர் பாயும் நிலையேற்பட்டுள்ளது.

அத்துடன் உன்னிச்சை குளம் திறக்கப்பட்டுள்ளதனால் தாழ் நிலங்களில் உள்ள சில வீடுகளும் காணிகளும் நீரில் முழ்கியுள்ளதை காணமுடிகின்றது. தொடர்ச்சியாக மட்டக்களப்பு மாவட்டத்தில் மழை பெய்யுமானால் இன்னும் அதிகளவான நீர் வெளியேற்றப்படும் தேவையுள்ளதாகவும் மட்டக்களப்பு நீர்பாசன திணைக்கள அதிகாரிகள் தெரிவித்தனர்.



comments | | Read More...

போலி ஆவணங்களை தயாரித்து அத்துமீறி நில அபகரிப்பு!

ஆலையடிவேம்பு, திருக்கோவில் பிரதேச பிரிவுக்குட்பட்ட பெரியகளப்பை போலி ஆவணங்களை தயாரித்து அத்துமீறி நில அபகரிப்பு இடம் பெறுகின்றது.

இது தொடர்பாக சம்பந்தபட்ட அரச அதிகாரிகள் எவ்வித நடவடிக்கையும் எடுக்காதது சந்தேகத்தை ஏற்படுத்துகின்றது என இந்து சம்மேளனத்தின் தலைவர் அருன்காந்த் தெரிவித்தார்.
இது தொடர்பில் மேலும் அவர் தெரிவிக்கையில், சுமார் 25 ஆயிரம் ஏக்கர் நிலப்பரப்பை கொண்ட பெரியகளப்பை அண்டிய பகுதியைச் சேர்ந்த 4 ஆயிரம் குடும்பங்கள் ஜீவனோபயமாக நன்னீர் மீன்பிடி தொழிலை மேற்கொண்டு வருகின்றனர்.

இந்த நிலையில் ஆலையடிவேம்பு சின்முகத்துவாரம் களப்பை தங்களது நிலம் என சில முஸ்லிம்களும் தமிழர்களும் போலி ஆவணங்கள் தயாரித்து ஆத்துமீறி வேலி அமைத்து நிலத்தை அபகரிக்கும் சட்டவிரோத நடவடிக்கையில் ஈடுபட்டு வருகின்றனர்.

இச் சம்பவத்தை பொது மக்கள் சம்பந்தப்பட்ட அதிகாரிகளின் கவனத்துக்கு கொண்டு வந்தும் இதுவரை அவர்களால் எவ்வித நடவடிக்கையும் முன்னெடுக்கப்படாமையானது சந்தேகத்தை ஏற்படுத்துகின்றது. எனவே சம்மந்தப்பட்ட அதிகாரிகள் மீது இலஞ்ச ஊழல் ஆணைக்குழுவினால் விசாரணை மேற்கொள்ளப்பட வேண்டும் எனக் கோரி மத்திய சுற்றாடல் அமைச்சுக்கு இந்து சம்மேளனம் அவசர கடிதம் ஒன்றையும் அனுப்பி வைத்துள்ளதாக அவர் தெரிவித்தார்.
comments | | Read More...

கடன் பெற்று செலவு செய்வோர் குருவித் தலையில் பனங்காய் சுமந்த மாதிரி!

Penulis : sankar on Friday, May 25, 2018 | May 25, 2018

Friday, May 25, 2018

சரியான நோக்கத்தில் சரியான தொழில் விருத்திக்காக நுண்கடன்களைப் பயன்படுத்திக் கொண்டால் அதனை ஒரு அடிப்படையாக வைத்து முன்னேற்றம் காண முடியும் என மண்முனைப் பற்று பிரதேச செயலாளர் என். சத்தியானந்தி தெரிவித்தார். மண்முனைப் பற்று பிரதேச சபைக் கேட்போர் கூடத்தில் புதன்கிழமை 23.05.2018 இடம்பெற்ற

சாதாரண தரப் பரீட்சையில் புலமை காட்டிய அதேவேளை உயர் தரத்தில் கற்றுக் கொண்டிருக்கின்ற மாணவர்களுக்கு மாதாந்த ஊக்குவிப்பு உதவு தொகை வழங்கும் நிகழ்வில் அவர் பிரதம அதிதியாகக் கலந்து கொண்டு உரையாற்றினார்.

இந்நிகழ்வில் பெரண்டினா தொழில் வள நிலையத்தினால் தெரிவு செய்யப்பட்ட வறிய குடும்பங்களைச் சேர்ந்த 154 மாணவர்களுக்கு மாதாந்த உதவு தொகையாக 1000-1500 ரூபாவும் அவர்களுக்கான சான்றிதழ்கள் மற்றும் விழிப்பூட்டல் கருத்தரங்கும் இடம்பெற்றது. அங்கு தொடர்ந்து உரையாற்றிய பிரதேச செயலாளர் சத்தியானந்தி, நுண்கடன் நிதிகளை உண்மையான தொழில் முன்னேற்றதிற்காகப் பன்படுத்துவோமேயானால் அதன் சிறந்த முன்னேற்றத்தைக் கண்டு கொள்ள முடியும்.

அதனால் வாழ்வாதரத்தைப் பெற்றுக் கொள்வதோடு, பிள்ளைகளின் கல்வி உட்பட உணவு உடை, உறையுள் என்பனவற்றையும் சிறந்த முறையில் அடைந்து வழியேற்றபடும். ஆனால், நுண்கடன் பெறுகின்ற நோக்கம் மாறுபட்டிருக்கின்ற ஒரு நிலைமையை இப்பொழுது நாம் சமூகத்தில் காண்கின்றோம்.

அனால் பல்வேறு குழ்பங்களும் ஏற்படுகின்றன. உண்மையான சுயதொழில் முன்னேற்றத்திற்காகவன்றி களியாட்ட நிகழ்வுகளுக்காகவும், பூப்பு நீராட்டு விழா, ஆடம்பர உடைகளை வாங்கி அணிந்து கொள்வதற்கு, தமது பிள்ளைகளின் அல்லது அன்புக்குரியவர்களின் பிறந்த நாள் கொண்டாட்டங்களுக்கு, இப்படிப்பட்ட அத்தியாவசியமற்ற நடவடிக்கைகளுக்கு கடன் பெறுவோமாக இருந்தால் அதன் நோக்கம் மாறுபட்டு நுண்கடன் என்பது சுமையாக மாறி விடும். ஆகவே, நோக்கம் தவறி பெறப்படும் கடன்களால் அதிக பளு, கடன்சுமை, நெருக்கடி அதிகரிதது அதுவே ஒரு பிரச்சினைக்குரியதொன்றாக மாறிவிடும்.

நோக்கம் தவறிக் கடன் பெற்று செலவு செய்வோர் குருவித் தலையில் பனங்காய் சுமந்த மாதிரி அவர்களத நிலைமை மோசமாகிவிடும், நுண்கடன் நிதி அதன் நோக்கம் தவறிய செயற்பாடுகளுக்குப் பயன்படுத்தப்படுவதால் சமூகத்தில் பல்வேறு சம்பவங்களும் இடம்பெறுகின்றன. எனவே எமக்குக் கிடைக்கும் உதவிகளை சரியான நோக்கத்தில் பயன்படுத்திக் கொள்ள வேண்டும். சம காலத்தில் உள்ள மாணவர்கள் சவால்களுக்கு முகங்கொடுக்கக் கூடியவர்களாக தயார்படுத்தப்படவில்லை என்பத பரவலான ஒரு குறைபாடாக பார்க்கப்படுகின்றது.

 இந்த விடயத்தில் பெற்றோர், ஆசிரியர்கள், சமூக நல நோக்காளர்கள் என்று ஒட்ட மொத்த சமூகத்திலுள்ளவர்களுமே பொறுப்பெடுத்துக் கொள்ள வேண்டும்.” என்றார். இந்நிகழ்வில் பெரண்டினா தொழில் வள நிலையத்தின் மாவட்ட முகாமையாளர் சௌந்தரராசா தினேஸ், மட்டக்களப்பு கல்வி வலய உதவித் திட்டப் பணிப்பாளர் வை. சி. சஜீவன், மண்முனைப்பற்று பிரதேச சபைத் தவிசாளர் மற்றும் செயலாளர், அரச சார்பற்ற நிறுவனங்களின் பிரதிநிதிகள், பயனாளிகளான மாணவர்கள்., பெற்றோர் உட்பட அதிகாரிகளும் கலந்து கொண்டனர்.
comments | | Read More...

ஊடகவியலாளர்களை அச்சுறுத்தும் வகையில் படையினர்!

பொதுமக்களின் பயன்பாட்டில் இருந்த காணியை இராணுவத்தினர் கையகப்படுத்தும் செயற்பாடுகள் தொடர்பில் செய்தி சேகரிக்க சென்ற ஊடகவியலாளர்களை அச்சுறுத்தும் வகையில் படையினர் தொடர்ச்சியாக கையடக்க தொலைபேசி மூலம் ஒளிப்பதிவு செய்துள்ளனர் என ஊடகவியலாளர்கள் தெரிவித்துள்ளனர்.
முல்லைத்தீவு மாவட்டத்தின் ஒட்டுசுட்டான் பிரதேச செயலர் பிரிவில் உள்ள
பொதுமக்களின் பயன்பாட்டில் இருந்த காணியை இராணுவத்தினர் கையகப்படுத்தும் செயற்பாடுகள் தொடர்பில் இன்று பாராளுமன்ற உறுப்பனர் சாந்தி சிறிஸ்காந்தராஜா இராணுவ அதிகாரியுடன் பேசுவதற்காக இராணுவ முகாமிற்கு சென்றிருந்தார்.
அப்போது குறித்த முகாமிற்கு பொறுப்பாக இருந்த இரண்டாம் நிலை அதிகாரி ஒருவருடன் பாராளுமன்ற உறுப்பினர் கலந்துரையாடும் காட்சியை பதிவு செய்தபோது, படையினர் இவ்வாறு தொடர்ச்சியாக ஊடகவியலாளர்களை அச்சுறுத்தும் வகையில் தமது கையடக்க தொலைபேசியில் ஒளிப்பதிவு செய்ததாக எமது செய்தியாளர் தெரிவிக்கின்றார்.
சுமார் 15 நிமிடங்களிற்கு மேல் ஊடகவியலாளர்களை இலக்கு வைத்தே இவ்வாறு படையினர் ஒளிப்பதிவு செய்தனர்.
நல்லாட்சி அரசாங்கம் தொடர்பில் மக்கள் மத்தியில் கடந்த ஆட்சியாளர்களை விட ஒப்பீட்டடிப்படையில் வரவேற்பை பெற்றுள்ளபோதிலும், இவ்வாறு படையினர் அச்சுறுத்தும் வகையில் நடந்துகொள்கின்றமை தொடர்பில் மக்கள் விசனம் தெரிவிக்கின்றனர்.
குறித்த காணி மக்களின் பயன்பாட்டிற்காக படையினர் விடிவிக்கும் வரை, படையினரின் அச்சுறுத்தலை மீறி மக்கள் நலன் சார்ந்து தொடர்ந்தும் தாம் செயற்படுவோம் என ஊடகவியலாளர்கள் உறுதிப்பட தெரிவித்துள்ளனர்.
இதேவேளை, நல்லாட்சியிலும் ஊடகவியலாளர்கள் மீதான இராணுவ அச்சுறுத்தல் தொடர்ந்து வருகின்றன என்று அவர்கள் குற்றம் சாட்டியுள்ளார்கள்.
comments | | Read More...

ஐந்து மாவட்டங்களுக்கு சிவப்பு எச்சரிக்கை!

Penulis : sankar on Thursday, May 24, 2018 | May 24, 2018

Thursday, May 24, 2018

நாட்டில் நிலவும் சீரற்ற காலநிலை காரணமாக 5 மாவட்டங்களுக்கு மண்சரிவு சிவப்பு எச்சரிக்கை விடுக்கப்பட்டுள்ளதாக தேசிய கட்டட ஆராய்ச்சி நிறுவனம் தெரிவித்துள்ளது.
அந்த நிறுவனத்தின் பதில் பணிப்பாளர் காமினி ஜயதிஸ்ஸ இதனை தெரிவித்துள்ளார்.
நிலவும் சீரற்ற காலநிலை காரணமாக ஒரு லட்சத்துக்கும் மேறபட்டவர்கள் பாதிக்கப்பட்டுள்ள நிலையில், 13 பேர் வரையில் உயிரிந்துள்ளதாக தெரிவிக்கப்பட்டுள்ளது.
மேலும் மண்சரிவு அபாயம் காரணமாக சுமார் ஆயிரக்கணக்கான மக்கள் பாதுகாப்பான இடங்களுக்கு அனுப்பிவைக்கப்பட்டுள்ளனர்.
இந்நிலையில், இரத்தினபுரி, கேகாலை, நுவரெலியா, களுத்துறை மற்றும் காலி மாவட்டங்களுக்கு மண்சரிவு சிவப்பு எச்சரிக்கை விடுக்கப்பட்டுள்ளமை குறிப்பிடத்தக்கது.
comments | | Read More...

அரச தனியார் பஸ் போக்குவரத்துக் கட்டணம் அதிகரிப்பு!

பஸ் கட்டணத்தை 12.5 சதவீதத்தால் அதிகரிக்க அமைச்சரவை அங்கீகாரம் வழங்கியுள்ளது.

இது தொடர்பான அமைச்சரவைப் பத்திரத்தை அமைச்சர் நிமல் சிறிபால டி சில்வா தாக்கல் செய்திருந்தார். இதன் கீழ் அரச தனியார் பஸ் போக்குவரத்துக் கட்டணம் இன்று முதல் அதிகரிக்கப்படுவதாக தேசிய போக்குவரத்து ஆணைக்குழுவின் தலைவர் எம்.ஏ.ரி.பிரேமசந்ர தெரிவித்துள்ளார். இதற்கமைய குறைந்தபட்ச பஸ் கட்டணம் 12 ரூபாவாகும். 17 ரூபா வரையிலான பஸ் கட்டணம் 2 ரூபாவினால் அதிகரிக்கப்பட்டுள்ளது. 21 ரூபா முதல் 25 ரூபா வரையிலான கட்டணம் 3 ரூபாவினால் அதிகரிக்கப்பட்டுள்ளது.

29 ரூபா முதல் 34 ரூபா வரையிலான கட்டணம் 4 ரூபாவினால் அதிகரிக்கப்பட்டுள்ளது. 35 ரூபாவுக்கும் 40 ரூபாவுக்கும் இடைப்பட்ட கட்டணம் 5 ரூபாவினால் அதிகரிக்கப்பட்டுள்ளது. 42 ரூபாவுக்கும் 48 ரூபாவுக்கும் இடையிலான கட்டணம் 6 ரூபாவினால் அதிகரிக்கப்பட்டுள்ளதோடு, 50 ரூபாவுக்கும், 60 ரூபாவுக்கும் இடையிலான கட்டணம் 7 ரூபாவினால் அதிகரிக்கப்பட்டுள்ளது. 62 ரூபாவிற்கும் 67 ரூபாவுக்கும் இடைப்பட்ட கட்டணம் 8 ரூபாவினால் அதிகரிக்கப்பட்டுள்ளது. 69 ரூபா முதல் 73 ரூபா வரையிலான கட்டணம் 9 ரூபாவால் அதிகரிக்கப்பட்டுள்ளது. 76 ரூபாவுக்கும், 81 ரூபாவுக்கும் இடைப்பட்ட கட்டணம் 10 ரூபாவினால் அதிகரிக்கப்பட்டுள்ளமை குறிப்பிடத்தக்கது.
comments | | Read More...

பாடசாலை மாணவர்கள் மற்றும் பெற்றோர்களுக்கான சட்ட ஒழுங்கு விதி முறைகள் தொடர்பான கருத்தரங்கு!

மட்டக்களப்பு பொலிஸ் பிரிவின் சிறுவர் மாற்றம் பெண்கள் பிரிவின் ஏற்பாட்டில் பாடசாலை மாணவர்கள் மற்றும் பெற்றோர்களுக்கான சட்ட ஒழுங்கு விதி முறைகள் தொடர்பான கருத்தரங்கு மட்டக்களப்பு புதூர் விக்னேஸ்வரா வித்தியாலத்தில் நடைபெற்றது.

மட்டக்களப்பு புதூர் விக்னேஸ்வரா வித்தியால அதிபர் கே .பாஸ்கரன் தலைமையில் நடைபெற்ற இந்த கருத்தரங்கில் மட்டக்களப்பு பொலிஸ் பிரிவின் சிறுவர் மற்றம் பெண்கள் பிரிவு பொறுப்பதிகாரி என் .சுசிலாதேவி கலந்துகொண்டார் இதன் போது மாணவர்களின் கல்வி ,கற்றல் நடவடிக்கையினை மேம்படுத்தல் மற்றும் மாணவர்களின் தவறுகளுக்கான தண்டனை சட்ட ஒழுங்கு விதி முறைகள் தொடர்பான விடயங்கள் மட்டக்களப்பு புதூர் விக்னேஸ்வரா வித்தியால மாணவர்களுக்கும் ,பெற்றோர்களுக்கும் விளக்கமளிக்கப்பட்டது இந்த கருத்தரங்கு நிகழ்வில் பாடசாலை பிரதி அதிபர் திருமதி எ.சுரேந்திரன் பாடசாலை ஆசிரியர்கள் ,மாணவர்கள் , பாடசாலை அபிவிருத்தி குழு உறுப்பினர் ,பெற்றோர்கள் , கிராம அபிவிருத்தி குழு உறுப்பினர்கள் என பலர் , கலந்துகொண்டனர்.



comments | | Read More...

கனமழை காரணமாக நாடாளுமன்ற விவாதமொன்றை நடத்த கூட்டு எதிர்க்கட்சி கோரிக்கை!

Penulis : sankar on Wednesday, May 23, 2018 | May 23, 2018

Wednesday, May 23, 2018

நாட்டில் தற்போதைக்கு பெய்து வரும் கனமழை காரணமாக ஏற்பட்டுள்ள வௌ்ளப்பெருக்கு நிலை குறித்து நாடாளுமன்ற விவாதமொன்றை நடத்த கூட்டு எதிர்க்கட்சி கோரியுள்ளது.

இது தொடர்பாக இன்றைய தினம் மாலை கூட்டு எதிர்க்கட்சியின் தலைவர் தினேஷ் குணவர்த்தன தனிநபர் பிரேரணையொன்றை நாடாளுமன்றத்தில் சமர்ப்பித்திருந்தார்.

அத்துடன் பால்மா உள்ளிட்ட பொருட்களின் விலையேற்றம் குறித்தும் இந்த விவாதம் நடைபெறவேண்டும் என்று அவர் குறிப்பிட்டிருந்தார்.
இன்றைய தின நாடாளுமன்ற அமர்வுக்குள் அது தொடர்பான திகதியொன்றை ஒதுக்கிக் கொள்ள அவர் எதிர்பார்த்திருந்தார்.

எனினும் குறித்த விவாதத்துக்கான திகதியை நிர்ணயிப்பது தொடர்பாக கட்சித் தலைவர்கள் கூட்டத்தில் தீர்மானிக்கப்படும் என்று சபாநாயகர் கரு ஜயசூரிய அறிவித்தார். இதனையடுத்து கூட்டு எதிர்க்கட்சியின் நாடாளுமன்ற உறுப்பினர்கள் பெரும் அமளியில் ஈடுபட்டனர்.

எதிர்க்கட்சி நாடாளுமன்ற உறுப்பினர்கள் 20பேர் வரையில் நாடாளுமன்றத்திற்குள் பெரும் அமளியில் ஈடுபட்டதால் நேற்றைய நாடாளுமன்ற அமர்வை நடத்திச் செல்வதில் சபாநாயகர் பெரும் நெருக்கடியை எதிர்கொண்டிருந்தார்.
comments | | Read More...

போரதீவுப்பற்று பிரதேச செயலகத்தினால் உடல்நல மேம்பாட்டுவாரம்!

போரதீவுப்பற்று பிரதேச செயலகத்தில் ஏற்பாடு செய்யப்பட்ட விளையாட்டு மற்றும் உடல்நல மேம்பாட்டுவாரத்தின் முதலாவது நாளான நேற்று (22) விளையாட்டு உத்தியோகத்தர் அவர்களின் நெறிப்படுத்தலினுடாக பிரதேச செயலாளர் இரா.ராகுலநாயகி அவர்களின் தலைமையில் பிரதேசசெயலக உத்தியோகத்தர்கள் அனைவரும் இணைந்து பிரதேச செயலகத்தில் ஆரம்ப நிகழ்வை முடித்துவிட்டு உடற்பயிற்சியில் ஈடுபட்டனர்.

பிரதான வீதியினுடாக பிரதேச சபை வரை சென்று சுமார் இரண்டு கிலோமீற்றர் துரம் நடந்து பயிற்சியில் ஈடுபட்டடனர்.தொடர்ந்து பிற்பகல் 4.00 மணியளவில் வெல்லாவெளி பொது விளையாட்டு மைதானத்தில் உத்தியோகத்தர்களுக்கான கயிறுளுத்தல் போட்டி இடம்பெற்றது. வெற்றி பெற்ற குமுக்களுக்கான வெற்றி பரிசில்களும் வழங்கிவைக்கப்பட்டது.


comments | | Read More...

திருப்பழுகாமத்தின் வீரத்தளபதி கேணல் ரமணன் அவர்களின் 12ம் ஆண்டு வீரவணக்க நாள் இன்றாகும்!

Penulis : sankar on Monday, May 21, 2018 | May 21, 2018

Monday, May 21, 2018

மட்டக்களப்பு மாவட்டம் படுவான்கரை பெருநிலம் திருப்பழுகாமம்
மட்டக்களப்பு மாவட்ட துணைத்தளபதி கேணல் ரமணன் அண்ணா அவர்களின் 12ம் ஆண்டு வீரவணக்க நாள் இன்றாகும்.

மட்டக்களப்பு மாவட்டத்தின் துணைத் தளபதி கேணல் ரமணன் புலிகளின் கட்டுப்பாட்டுப் பகுதியில் அமைந்துள்ள வவுணதீவில் பாதுகாப்பு அரண்களைப் பார்வையிட்டுக் கொண்டிருந்த வேளை சிறிலங்கா படையினரின் குறிச்சூட்டுத் தாக்குதலில் கொல்லப்பட்டிருக்கிறார்.

மட்டக்களப்பு மாவட்டத்தின் பழுகாமத்தைப் பிறப்பிடமாகக் கொண்ட கேணல் ரமணன், எண்பத்தாறில் போராட்டத்தில் இணைந்தவர். அவருடைய மூத்த சகோதரரும் போராளி. சகோதரியும் இளைய சகோதரரும் போராளிகளாக இருந்தவர்கள்.இன்னுமொரு சகோதரர் பாதை மாறிய ஒரு அமைப்பிலிருந்து விலகி, விடுதலைப் புலிகளுடன் இணைந்து செயற்பட்டுக் கொண்டிருந்தபோது துரோகிகளால் கொல்லப்பட்டவர். “புலிகளின்” வீடு என்பதாலும் புலிகளை ஆதரிக்கும் வீடென்பதாலும் அவரின் தாயாரின் வீடு படையினரால் குண்டு வைத்துத் தரை மட்டமாக்கப்பட்டது.

ஆரம்பத்தில் லெப். கேணல் றீகனின் (முன்னாள் மட்டு மாவட்டத் தளபதி) அணியில் செயற்பட்ட ரமணன், இந்திய ஆக்கிரமிப்புக் காலத்தில் துணிகரமான தாக்குதல்களைச் செய்தவர். பழுகாமம் கண்டுமணி மகாவித்தியாலத்தில் மறைந்திருந்து இந்தியக் காலாட் படைமீது தாக்குதல் நடத்தி ஆயுதங்களையும் கைப்பற்றியதால் பாராட்டும் பெற்றவர்.
அதன்பின் தம்பிலுவில் துரோகிகள் முகாம் தாக்குதலுக்கு அணித்தலைவராகச் சென்றிருந்தார். பூநகரி வரலாற்றுச் சமரிலும் பங்கேற்றார். மட்டு நகரில் நியூட்டன் அவர்களின் காலத்திலும் அதற்குப் பின்னரும் படைத்துறைப் புலனாய்வுச் செயற்பாடுகளில் ஈடுபட்டிருந்த கேணல் ரமணன் குறிப்பிடத்தக்க முறியடிப்புப் புலனாய்வு நடவடிக்கைகள் பலவற்றைச் செய்திருந்தார்.

மதிநுட்பத் திட்டமிடலிலும், உளவியல் போரியலிலும் திறன்கொண்டிருந்த கேணல் ரமணன் மட்டக்களப்பிலுள்ள சிறிலங்கா படைச் சிப்பாய்களின் சிம்மசொப்பனமாக விளங்கியவர். துரோகிகளின் செயற்பாடுகளை முடக்குவதில் திறமை காட்டிய அவர், கருணாவின் சதியை முறியடிப்பதில் மிக முக்கியமான பங்கு வகித்தவர்.
கருணா மட்டக்களப்பிலிருந்து விரட்டப்பட்ட பின்பும் தாயகத்திற்கு எதிராகச் செய்ய முனைந்த பல சதித் தாக்குதல்களைத் தடுத்த பெருமையும் ரமணனுக்கு உண்டு. சுனாமியின் போது குறிப்பாக அம்பாறை மாவட்டத்தில் நேரடியாக மீட்பு மற்றும் நிவாரணப் பணிகளில் ஈடுபட்டபோதே சிறிலங்கா படைகள் ரமணனைப் பின் தொடர்ந்தமை குறித்தற்குரியது.

அதன்பின் மாவட்டத்தின் துணைத் தளபதியாக படைத்துறை மற்றும் அபிவிருத்திப் பணிகளில் ஈடுபட்ட அவர், பன்சேனை திலீபன் மருத்துவ நிலையத்தை அமைப்பதற்கு இரவு பகலாக உழைத்தவர்.

தளங்களிலும் மக்களிடையேயும் ஒரு திறன்மிக்க போராளியாகவும், நாவன்மையுடைய பேச்சாளராகவும், விளையாட்டு வீரராகவும், கலைகளில் ஆர்வமுடன் பங்கேற்பவராகவும் தன்னை அடையாளப்படுத்தியுள்ள ரமணன், அண்மைக் காலத்தில் தமது இந்திய ஆக்கிரமிப்புக்கால தலைமறைவுப் போராட்ட வாழ்க்கையை படியுங்கள் அறியுங்கள் என்பதை மட்டக்களப்புப் பதிப்பிற்காக எழுத ஆரம்பித்திருந்தார். அனுபவமும், தலைமைத்துவ ஆற்றலும் மண்ணின் இயல்பறிந்த செயற்பாடும் கொண்ட ஒரு தளபதி.

-ஈழம் ரஞ்சன்-

மட்டக்களப்பு மாவட்ட துணைத் தளபதி கேணல் ரமணன் நினைவூட்டல்.நெஞ்சை வருடிசெல்கின்றது மாவீரனே உன் நினைவில்.

மரணம் அழைத்த ரமணன் 
எங்கள் மனதை நிறைத்த வதனன் 
கிழக்கில் உதித்த உதயன் 
இனி கிடைக்க முடியா ஒருவன் 
உந்தன் நினைவுகள் வந்து 
எங்கள் உள்ளமெல்லாம் துயர் தந்து 
செல்லுதே ரமணா .கொல்லுதே ரமணா.
comments | | Read More...

நாடு முழுவதும் மின்சாரம் தடைப்படுவதற்கான வாய்ப்பு!

தற்போது மழையுடன் கூடிய காலநிலை காரணமாக நாடு முழுவதும் மின்சாரம் தடைப்படுவதற்கான வாய்ப்புகள் உள்ளதாக அறிவிக்கப்பட்டுள்ளது.
மின்சார பொறியலாளர்கள் ஆரம்பித்துள்ள தொழிற்சங்க நடவடிக்கை காரணமாக இந்த மின்சார தடை, பொது மக்களுக்கு அதிக பாதிப்புகளை ஏற்படுத்த கூடும் என்று மின்சார பொறியியலாளர் சங்கத்தின் தலைவர் சௌமிய குமாரவடு தெரிவித்துள்ளார்.

தமது தொழிற்சங்க நடவடிக்கைகள் தற்போது 10 நாள்கள் கடந்துள்ள போதிலும், பொறுப்பு கூற வேண்டியவர்கள் இன்னமும் உரிய பதில் வழங்கவில்லை என்றும் அவர் குறிப்பிட்டுள்ளார்.
comments | | Read More...

கொக்கட்டிச்சோலை மண் நெல்லை மட்டுமல்ல நல்ல சொல்லையும் விளைவிக்கும் மண்!

தமிழர்களது பண்பாடுகளையும், கலை, கலாசாராத்தினையும் பேணி பாதுகாக்கின்ற கிராமங்களிலே கொக்கட்டிச்சோலை பகுதி முதன்மையானது. இந்த மண் நெல்லை மட்டுமல்ல நல்ல சொல்லையும் விளைவிக்கும் மண். என மட்டக்களப்பு மாவட்ட அரசாங்க அதிபர் மா.உதயகுமார் தெரிவித்தார்.

கொக்கட்டிச்சோலை ஈஸ்வரா கலைக்கலா மன்றத்தினால் பழக்கப்பட்ட மகாபாரதம் குருசேத்திரத்தில் இடம்பெற்ற 17ம், 18ம் போர் வடமோடி கூத்து அரங்கேற்ற நிகழ்வு இரவு(19) இடம்பெற்ற போது, ஆரம்ப நிகழ்ச்சியில் பிரதம அதிதியாக கலந்துகொண்டு உரையாற்றுகையிலேயே இதனைக் குறிப்பிட்டார். மாவட்ட அரசாங்க அதிபர் அங்கு தொடர்ந்தும் உரையாற்றுகையில், கடந்த காலங்களிலே பிரதேசத்தில் ஏற்பட்ட துரதிஸ்டவசமான சம்பவங்களின் போதும், இப்பிரதேசத்தில் உள்ள கலைஞர்கள், இப்பிரதேசத்திலே தமிழையும், கலையையும் வளமாக வளர்த்தெடுத்தார்கள்.

அவ்வாறானவர்களை வள்ளல்லர்களாக கருதிநிற்கின்றேன். 2000ம் ஆண்டு காலப்பகுதியில் இம்மக்களுக்கு பல்வேறு பிரச்சினைகள் இருந்தபோதிலும் தமிழின்பால் கொண்டிருந்த அன்பினையும், கலையின் பால் கொண்டிருந்த மோகத்தினையும் விளையாட்டிலே கொண்டிருந்த ஆர்வத்தினையும் குறைத்துக்கொள்ளவில்லை. பல்வேறு இழப்புக்கள், துன்பதுயரங்களுக்கு மத்தியில் இந்த பிரதேசத்திலே தமிழும், கலையும், கலாசாரமும், விளையாட்டும் வளர்க்கப்பட்டன.

வெளிப்புற காரணிகளின் தாக்கங்களினால் எம்மத்தியிலே மேலைநாட்டவர்களின் கலாசாரங்களும் உள்நுழைகின்றன. அவ்வாறான சூழலில் ஒரு சமூகமே ஒன்றிணைந்து தமிழர்களுடைய விழுமியங்களையும், பாரம்பரியங்களையும் வெளிக்கொணர்வது மிகவும் பாராட்டுக்குரியது என்றார். 71வருடங்களின் பின் இதே கிராமத்தில் மீண்டும் அரங்கேற்றப்பட்ட குருசேத்திரன் போர் கூத்தின் ஆரம்ப நிகழ்வில், கூத்தில் பாத்திரமேற்று நடித்த கலைஞர்கள், ஏட்டண்ணாவியார், அண்ணாவியார், களரி முகாமையாளர், கலைமன்ற தலைவர் ஆகியோர் பொன்னாடை போர்த்தி நினைவுச்சின்னம் வழங்கி கௌரவிக்கப்பட்டனர்.

நிகழ்வில், சுவாமி விபுலானந்த அழகியற்கற்கை நிறுவகத்தின் பணிப்பாளர் சி.ஜெயசங்கர், கொக்கட்டிச்சோலை பிரதேசசபை தவிசாளர் சி.புஸ்பலிங்கம், கொக்கட்டிச்சோலை ஸ்ரீ தான்தோன்றீஸ்வரர் ஆலய வண்ணக்கர் தலைவர் பூ.சுரேந்திரராஜா, அதிகாரிகள், அமைப்புக்களின் பிரதிநிதிகள் ஆகியோரும் கலந்துகொண்டனர்.





comments | | Read More...

விடுலைப் புலிகளின் களம் கண்ட மூத்த போராளி காக்கா! பலரையும் கண்கலங்க வைக்கின்றது

முள்ளிவாய்க்கால் நினைவேந்தலின் போது தமிழின விடிவுக்காய் ஆரம்ப காலம் முதல் தமிழீழ தேசியத் தலைவர் வே.பிரபாகரன் அவர்களுடன் முன்னின்று உழைத்த பல களம் கண்ட மூத்த போராளி காக்கா அண்ணை அவர்களை பல்கலைக்கழக மாணவர்கள் புறந்தள்ளி ஒதுக்கி விட்டமை தொடர்பில் தமிழ் மக்கள் பலரது தாங்க முடியாத வேதனை உணர்வுகள் வெளிப்பட்ட வண்ணமுள்ளன.
அந்த வகையில் மூத்த போராளி காக்கா அண்ணையுடன் சிறையில் கூட இருந்த சு.பிரபா அவர்களது பதிவு பலரையும் பாதித்து கண்கலங்க வைக்கின்றது.
நான் காக்கா அண்ணையுடன் பூசா, வெலிக்கடையென 2 ஆண்டுகள் சிறைச்சாலையில் இருந்திருக்கிறேன்.
பசீர் காக்கா புலிகள் அமைப்பின் ஆரம்பகால உறுப்பினர் தேசியத்தலைவர் பிரபாகரனின் நெருங்கிய சகா ஆரம்பகாலங்களில் இருவரும் ஒரே சைக்கிளில் பயணித்து புலிகள் அமைப்பை கட்டமைக்க பாடுபட்டவர்கள்.
ஒரே தட்டில் உணவுண்டவர்கள். காக்கா அண்ண போராளியாக இருந்த காலத்தில் பல்வேறு சண்டைகளில் பங்குபற்றிய களமுனை போராளி. அத்துடன் ஒரு மாவீரரின் தந்தை, ஒரு பிள்ளையை முள்ளிவாய்க்காலில் பறிகொடுத்தவர்.
இதைவிடவும் அவரைப்பற்றி விரிவாய் எழுத வியத்தகு சம்பவங்கள் இருக்கின்றன. அவரின் பாதுகாப்பு கருதி தவிர்க்கிறேன். அவற்றையும் எழுதினால் அவர் காலத்தால் மறக்கப்பட்டுவிட முடியா பொக்கிசம் என்பதை நீங்கள் உணர்வீர்கள். அவரை அறிந்தவர்கள், அதை அறிவார்கள்.
இதற்கு அப்பால் அன்று தொட்டு இன்றுவரை போராட்டத்தையும் மாவீரர்களையும் உயிராய் நினைப்பவர். சிறையில் இருந்த காலங்களிலும் முள்ளிவாய்க்கால் நினைவு தினம் மற்றும் மாவீரர் நாளில் மெளன விரதம் இருப்பதை ஒரு கடனாக கடமையாக நினைத்து கடைபிடிப்பவர். அதை இன்றும் தொடர்பவர்.
விசாரணையில் கூட எதையும் ஒழித்தோ மறைத்தோ அவர் பேசியிருக்கவில்லை. நான் அவரிடம் சொல்வேன் காக்கா அண்ண நீங்கள் பழைய கதைகளையெல்லாம் சொல்லாமல் நான் ஈழநாதம் பேப்பரின் சாதாரண ரிப்போட்டர் என்று சொல்லிப்போட்டு வெளிய போயிருக்கலாம். ஆனால் ஒன்றுவிடாமல் எல்லாம் சொல்லிப்போட்டு இப்ப உள்ளுக்க இருக்கிறீங்க என்பேன்.
அதற்கு அவர் போடா இந்த சிங்களவனால் எனக்கு எந்த தண்டனையும் முழுமையா தரமுடியாது. ஆயுள் தண்டனை தந்தாலும் ஆகக்குறைஞ்சது 15 வருசம் இருக்கோனும். நான் 15 வருசம் இருப்பன் என்றதில எனக்கு நம்பிக்கை இல்ல, ஆகக்கூடினது 10 வருசம் அவ்வளவுதான் எனக்கான தண்டனை அது ஒரு பெரிய தண்டனையா என்று சிரித்துகொண்டே சொல்வார்.
ஆக அவர் உள்ளே இருக்கும்போது கூட உறுதியோடுதான் இருந்தார் தான் விடுதலை ஆகமாட்டேன் என்ற கொள்கையோடுதான் இருந்தார். தினமும் ஏதாவது குறிப்புகள் எழுதி சேர்த்து வைத்து மாதம் ஒரு முறை பார்க்கவரும் மகளிடம் கொடுத்து ஆவணமாக்கி வைக்கச் சொல்வார்.
இன்று முள்ளிவாய்க்கால் நிகழ்வு செய்துவிட்டோம் என்று சட்டைக்கொலரை தூக்கிவிடும் தம்பிகளுக்கு ஒரு சின்ன விடயத்தை சொல்லிக்கொள்ள விரும்புகிறேன்.
நாம் 2009 ஆண்டுக்கு பின் பூசா, வெலிக்கடை, அனுராதபுரம், மகசின் என சிறைகளுக்குள் பல வருடங்கள் அடைபட்டுக்கிடந்தோம்.
அந்த கொடிய சிறைச்சாலைக்குள் கூட நாம் முள்ளிவாய்க்கால் நினைவுதினம், கரும்புலிகள் நாள், தியாகி திலீபன் நினைவுநாள், மாவீரர் நாள் என அனைத்து எழுச்சி நாட்களையும் நினைவுநாட்களையும் எத்தனையோ சிரமங்களுக்கு மத்தியிலும் தடைகளுக்கு மத்தியிலும் கடைப்பிடித்தே வந்தோம்.
தியாகி திலீபன் நினைவுதினத்தில் உணவு தவிர்த்து உண்ணா நோன்பிருந்திருக்கிறோம். சிறைச்சாலைக்குள் உண்ணாநோன்பென்பது இலகுவான விடயமல்ல.
ஏனெனில் அனைவருக்கும் உணவு வழங்கப்பட்டதென்றும் என்ன என்ன உணவு வழங்கப்பட்டதென்றும் உறுதிப்படுத்தி சிறைக்காவலர்கள் கையொப்பம் இட்டு பிரதான ஜெயிலரிடம் தினமும் அறிக்கை சமர்ப்பிக்கவேண்டும்.
நாம் உணவை எடுக்காதுவிட்டால் அது சீப் ஜெயிலர் வரைக்கும் போகும் அப்படிப்போய் அவர்கள் வந்து எம்மை வற்புறுத்தி உணவை பெற்றுக்கொள்ள சொல்லும் போதுகூட நாம் மறுத்துப்பேசி அதனால் பல அசெளகரியங்களையும் சந்தித்திருக்கிறோம்.
ஜெயில் மாற்றப்பட்டிருக்கிறோம், வெளியே திறந்துவிடப்படாமல் அறைகளின் உள்ளே அடைக்கப்பட்டிருந்திருக்கிறோம். மாதம் ஒருமுறை பார்க்க வரும் உறவினர்களை சந்திக்க விடாமல் திருப்பி அனுப்பியிருக்கின்றனர்.
இவையெல்லாம் நாம் இந்த நிகழ்வுகளை கடைப்பிடித்ததால் அனுபவித்த துயர்கள் இதற்காக நாம் அவற்றில் இருந்து ஒதுங்கிவிடவோ அவற்றை கைவிட்டுவிடவோ இல்லை. இன்று சிறையில் இருப்பவர்கள் கூட இதை கடைப்பிடித்தே வருகின்றனர்.
நாம் இன்று முகநூலில் வந்துநின்று வீரம் பேசுபவர்கள் அல்ல என்பதை நீங்கள் புரிந்து கொள்ளவேண்டும். இம்முறை முள்ளிவாய்க்கால் நிகழ்வை நான் செய்வதா, நீ செய்வதா என்ற சண்டைகள் ஆரம்பித்த போது அதை சமரசமாக தீர்க்க அழுது தீர்க்கும் இடத்தை அரசியல் மேடையாக்காதீர்கள் என்று கண்ணீர் மல்க எல்லோரிடமும் கோரினார் காக்கா அண்ணா.
அத்துடன் நிற்காமல் இந்த வயதிலும் முள்ளிவாய்க்கால் மே - 18 நிகழ்வுக்காக முதல் நாளே அங்கு போய் நின்று எல்லா வேலைகளையும் ஏற்பாடுகளையும் உடனிருந்து செய்துவிட்டு 18 ஆம் திகதி வழமை போன்று மெளன விரதம் இருந்தார்.
அன்று தொட்டு இன்று வரை தேசியத்தில் பற்றுறுதியுடனும் அர்ப்பணிப்புடனும் செயல்பட்ட அந்த மூத்த மனிதனை ஒரு ஓரமாய் புறந்தள்ளிவிட்டு நேற்றைக்கு முதல்நாள் வடக்கு மாகாணதிற்கு வந்தவரும் எல்லா மாகாணசபை உறுப்பினரும் முள்ளிவாய்க்கால் மண்ணில் நின்று சத்தியப்பிரமாணம் செய்ய தனக்கு அதில் உடன்பாடில்லையென்று கூறி தன் சிங்கள சம்பந்தி வாசுதேவ நாணயக்கார சகிதம் மகிந்தவின் காலடி தேடிச்சென்று மகிந்தவின் முன் நின்று சத்தியப்பிரமாணம் செய்த முதல்வர் விக்கினேஸ்வரனை கொண்டு பல்கலைக்கழக மாணவர்கள் நினைவஞ்சலி நிகழ்வை ஆரம்பித்து வைத்தது தமிழர் வரலாற்றில் ஒரு கறுப்பு தினம் என்றே சொல்ல வேண்டும்.
இறந்துபோன அந்த மக்களின் ஆத்மாக்கள் கூட இச்செயலை மன்னிக்காது. அரசியலுக்கு அப்பால்ப்பட்டு நிகழ்வை ஒழுங்கமைக்கிறோம் என்று கூறிய பல்கலைக்கழக வீரர்கள் அரசியலுக்கு அப்பால்ப்பட்ட மூத்தவர் காக்கா அண்ணாவைக் கொண்டு அந்த நிகழ்வை ஆரம்பித்து வைத்திருக்க வேண்டியதுதானே அறம்.
அவருக்கு என்ன தகுதி இருக்கவில்லை அந்த நிகழ்வை ஆரம்பித்து வைக்க? முதல்வருக்கு என்ன தகுதி இருந்தது ஆரம்பித்து வைக்க?
அவர் தன் பிள்ளையை முள்ளிவாய்க்கால் மண்ணில் இழந்தாரா? இல்லை இந்த தேசம் மீட்க போராடினாரா? இல்லை பலவருடங்கள் சிறையில் இருந்தாரா? என்ன தகுதி இருக்கிறது?
பல்கலைக்கழக மாணவர்கள் என்ற பெயரில் இனியும் இவ்வாறான கேலிக் கூத்துக்கள் ஆடுவதையும் அரங்கேற்றப்படுவதையும் எம் சமூகம் அனுமதிக்கக்கூடாது. எம் இனத்திற்காய் சிலுவை சுமந்தவர்களை புறந்தள்ளிவிட்டு மீட்சிகளை தேட முயற்சிக்க கூடாது.
இந்த நாட்டுக்காக போராடிய ஒவ்வொறுவனும் மதிக்கப்பட வேண்டியவனே இன்று நீங்கள் படிக்கவும் பண் எடுக்கவும் திரியும் வயதில் அவர்கள் பசி தூக்கம் மறந்து களத்தில் நின்றவர்கள் அவர்கள் ஒன்றும் அநாதைகள் அல்ல இந்த தேசத்தையும் இனத்தின் மாண்பையும் கட்டமைத்தவர்கள் இவர்களின் ஈகங்களால்தான் எங்கள் அடையாளம் இன்றுவரை நின்று நிலைக்கிறது.
மூத்தபோராளிகள் வெளியில் நிற்கவைத்துவிட்டு நேற்றுப்பிறந்தவர்கள் நாட்டாமை செய்ய வெளிக்கிடுவது காலப்பிழையென்றே கருதவேண்டியிருக்கிறது.
ஒரு போராளி கண்ணீர் விடுவது சாதாரண நிகழ்வல்ல அதுவோர் பெருந்துயர் அத்துயரில் அவர்களை ஆழ்த்தாதீர்கள் காலம் உங்களை மன்னிக்காது.
தம் எதிர்கால அரசியலுக்காக இவற்றையெல்லாம் ஒதுங்கியிருந்து வேடிக்கை பார்த்த அரசியல்வாதிகளை கையாலாகாதவர்கள் என்றே நான் சொல்வேன் என காக்கா அண்ணனுடன் சிறையில் இருந்த சிறைக் கைதியான சு.பிரபா பதிவிட்டுள்ளார்.

comments | | Read More...

நாவலர் சமூக மேம்பாட்டு அமைப்பின் கலாச்சார விளையாட்டு விழா!

Penulis : sankar on Sunday, May 20, 2018 | May 20, 2018

Sunday, May 20, 2018

மட்டக்களப்பு - தும்பங்கேணி இளைஞர் விவசாயத்திட்டம் (பொது விளையாட்டு மைதானத்தில்) நாவலர் சமூக மேம்பாட்டு அமைப்பின் ஜந்தாம் ஆண்டு நிறைவை முன்னிட்டு கலாச்சார விளையாட்டு விழா (20) இன்று மு.யோகராசா தலைமையில் இடம்பெற்றது.

இந் நிகழ்வின் போது பாரம்பரிய விளையாட்டுக்களான முட்டி உடைந்தல் வலுக்குமரம் ஏறுதல்,முட்டை மாற்றுதல் கயிறு இழுத்தல் என பல நிகழ்வுகள் இடம்பெற்றது.

இந் நிகழ்வின் போது பிரதம அதிதியாக மட்டக்களப்பு பாராளு மன்ற உறுப்பினர் ஞா.சிறிநேசன், முன்னாள் பாராளுமன்ற உறுப்பினர் பா.அரியநேத்திரன் போரதீவு பற்று பிரதேச சபையின் தவிசாளர் ரஜனி ,உப தவிசாளர் நா. தர்மலிங்கம்.
விசேட அதிதியாக மட்-பட்- தும்பங்கேணி கண்ணகி வித்தியாலய அதிபர் வீ.யோகேஸ்வரன்,சிவபாதம் அதிபர்,வெல்லாவெளி பொலிஸ் பொறுப்பதிகாரி கலந்துகொண்டனர்.

குறித்த நிகழ்வில் அக்கிராம மக்களும் கலந்து கொண்டு இந் கலாச்சார நிகழ்வினை சிறப்பித்தனர்.













comments | | Read More...

நாவற்காடு ஸ்ரீ சித்தி விநாயகர் ஆலயத்தில் இருந்து ஆரம்பமாகிய பால்குடபவனி!

மட்டக்களப்பு -ஈச்சந்தீவு அருள்மிகு ஸ்ரீ கண்ணகி அம்மன் ஆலய வருடாந்த உற்சவச் சடங்குப் பெருவிழா -2018 ஆரம்பம் : 20.05.2018 நிறைவு : 29.05.2018 20.05.2018 இன்று அம்பாளின் பால்குடபவனியானது நாவற்காடு ஸ்ரீ சித்தி விநாயகர் ஆலயத்தில் இருந்து ஆரம்பமாகி ஈச்சந்தீவு ஸ்ரீ கண்ணகி அம்மன் ஆலயத்தை வந்தடைந்ததும் ஆலய பிரதம குரு : ஈசான சிவாச்சாரியார், ஆச்சாரிய கலா பூசனம் இரா.அருளானந்தம் குருக்களினால் அம்பாளுக்கு பாலாபிசேகம் இடம்பெற்றது.

comments | | Read More...

முனைக்காடு நாகசக்தி கலைமன்றத்தினால் தென்மோடிக் கூத்து அரங்கேற்றம்!

மட்டக்களப்பு, முனைக்காடு நாகசக்தி கலைமன்றத்தினால் புதிதாக பழக்கப்பட்ட சாத்தியவான் சாவித்திரி தென்மோடிக் கூத்து அரங்கேற்ற நிகழ்வு வெள்ளிக்கிழமை(18) இரவு இடம்பெற்றது.

அரங்கேற்ற நிகழ்வில் ஆரம்ப நிகழ்ச்சிக்கு, மட்டக்களப்பு மாவட்ட மேலதிக அரசாங்க அதிபர் சுதர்சினி சிறிகாந், சுவாமி விபுலானந்த அழகியற்கற்கை நிறுவக பணிப்பாளர் சி.ஜெயசங்கர், ஏனைய அதிகாரிகள், பொதுமக்கள் ஆகியோரும் கலந்து கொண்டனர். இதன்போது, அண்ணாவிமார்கள், ஏட்டண்ணாவியார், சிரேஸ்ட கலைஞர்கள் ஆகியோர் கௌரவிக்கப்பட்டனர்.




comments | | Read More...

துறைநீலாவணை பிரதேச வைத்தியசாலையின் அபிவிருத்திக்குழுக் கூட்டம்!

துறைநீலாவணை பிரதேச வைத்தியசாலையின் அபிவிருத்திக்குழுக் கூட்டமும் புதிய நிருவாக சபைத்தெரிவும் 19 ஆம் திகதி சனிக்கிழமை காலை மண்முனை தென் எருவில் பற்று பிரதேச சபை உறுப்பினர் க.சரவணமுத்து தலைமையில் இடம்பெற்றது.

தலைவராக .அதிபர் பி.யோகராசா செயலாளராக ஓய்வுபெற்ற அதிபர் பி.நவரெட்ணராசா பொருளாளராக மருந்தாளர் அ.இளஞ்செழியன் உப  தலைவராக எஸ்.சந்திரகுமார்  உப செயலாளர் கே.குணரெட்ணம் ஆகியோர் தெரிவுசெய்யப்பட்டதுடன் உறுப்பினர்களாக எஸ்.மயில்வாகனம் ஆ.பவித்திரன் ஜீ.குணரஞ்சன் எஸ.புஸ்பராசா வெ.சந்திரன் எஸ்.அரங்கநாதன் கே.யோகராசா ஆகியோர் தெரிவுசெய்யப்பட்டனர் ஆலோசகராக வைத்தியர் எம்.ஏ.சி.ரி. ஹரீட்  தெரிவுசெய்யப்பட்டு இருக்கின்றார். 

இந்நிகழ்வில் கிராமசேவகர்களான பே..புனிதன் க.சுரேஸ் ஆகியோர் கலந்து கொண்டனர்.

comments | | Read More...

விடுதலைப் புலிகளின் சீருடைக்கு அஞ்சலி!

முள்ளிவாய்க்காலில் விடுதலைப் புலிகளின் சீறுடைக்கு அஞ்சலி செலுத்தியமை தொடர்பில் முல்லைத்தீவு பொலிஸார் விசாரணைகளை முன்னெடுத்துள்ளனர்.

இது குறித்து பொலிஸார் இன்று விசாரணைகளை முன்னெடுத்துள்ளதாக தெரியவந்துள்ளது.

தெற்கில் யுத்தவெற்றியை கொண்டாடும் நோக்குடன் சில இளைஞர்கள் விடுதலைப் புலிகள் அமைப்பின் கொடிகளை நேற்று நடுவீதியில் போட்டு கால்களினால் மிதித்து எரித்துள்ளனர்.

இந்த நிலையில் அடையாளம் தெரியாத நபர்களினால் நேற்று மாலை முள்ளிவாய்க்கால் பகுதியில் விடுதலைப் புலிகளின் சீருடைக்கு அஞ்சலி செலுத்தப்பட்டுள்ளதாக தெரிவிக்கப்படுகின்றது.
comments | | Read More...

மீண்டும் வருவார் பிரபாகரன் முள்ளிவாய்க்காலில் தாயொருவரின் வீர பேச்சு!

Penulis : sankar on Saturday, May 19, 2018 | May 19, 2018

Saturday, May 19, 2018

வருவார் மீண்டும், எங்கள் அண்ணன் பிரபாகரன் வருவார் மீண்டு! 2020ஆம் ஆண்டுக்குப்பின்னர் அவரது ஆட்சி தொடர்ந்து நடக்கும் என முள்ளிவாய்க்காலில் இடம்பெற்ற நினைவேந்தல் நிகழ்வில் கலந்துகொண்ட தாயொருவர் தெரிவித்துள்ளார்.

2009ஆம் ஆண்டு மௌனிக்கப்பட்ட தமிழர்களின் உரிமைகோரிய யுத்தத்தின் 9ஆம் வருட முள்ளிவாய்க்கால் நினைவேந்தல் நிகழ்வு இன்றைய தினம் வடக்கு கிழக்கு தாயக பகுதிகள் எங்கும் உணர்வுபூர்வமாக அனுஷ்டிக்கப்பட்டு வருகின்றன.

இந்நிலையில், யாழ். பல்கலைக்கழகத்தினரினதும், வடக்கு மாகாண சபையினதும் ஏற்பாட்டில் முள்ளிவாய்க்கால் மண்ணில் அனுஷ்டிக்கப்பட்ட நினைவேந்தல் நிகழ்வில் கலந்து கொண்ட தாயொருவரின் வீர பேச்சு அங்கு வந்திருந்த அனைவரது கவனத்தையும் ஈர்த்துள்ளது.

குறித்த தாய் அங்கு கருத்து தெரிவிக்கும்போது,
எங்கள் அண்ணன் பிரபாகரன் மீண்டு வருவார், அவரது பிள்ளைகள் அனைவரும் அணி அணியாய் திரண்டு வருவார்கள்.
நான் என்னுடைய மனசாட்சிக்குத் தவிர இலங்கையின் இராணுவத்தினருக்கும், பொலிஸூக்கும் பயப்படமாட்டேன்.
என்னுடைய ஒரே ஒரு பிள்ளை, யுத்தம் நிறுத்தப்பட்டதன் பின்னர் கொண்டு சென்றார்கள், இதுவரை விடுவிக்கப்படவில்லை.
இவ்வாறு கொண்டு செல்லப்பட்ட யாரும் இதுவரை திரும்பி வரவில்லை, ஆனால் எங்களுடைய அண்ணன் பிரபாகரன் மீண்டும் வருவார், அவரை இறைவனின் சக்தியும், நீதியின் சக்தியும் சேர்ந்து மீட்டு கொண்டுவரும்.
எங்கள் அண்ணன் வீறுநடைபோட்டு மீண்டும் வருவார், அவரின் பின்னால் எங்களது பிள்ளைகள் அணி அணியாய் திரண்டு வருவர். கடவுளால் பிரபாகரனுக்கு முடிசூட்டப்படும் என உறுதிக்குரலில் தெரிவித்துள்ளார்.

comments | | Read More...
 
Copyright © 2018. paduvaanwin . All Rights Reserved.
Design Template by paduvaanwin.com |